2026 жылғы 8 қазаннан 9 қазанға дейін Rixos Water World Aktau қонақүйінде демалдым. 5412-нөмірде тұрдым. Жалпы, демалысым жақсы өтті, қонақүйден жағымды әсер алдым. Бөлме таза әрі жайлы, демалуға барлық жағдай жасалған. Бір күн ғана болғаныма қарамастан, жақсы тынығып қайттым. Қонақүйдің жалпы атмосферасы демалуға қолайлы, сондықтан осында тағы да келуге ниетім бар.Сонымен қатар, қонақүйге өз ұсынысымды айтқым келеді. Ас мәзіріне қазақтың ұлттық тәттілері мен жеңіл тағамдарын көбірек қоссаңыздар, өте жақсы болар еді. Мысалы, құрт, ірімшік, жент, балқаймақ сияқты ұлттық дәмдер болса, қонақтар үшін ерекше болар еді. Әсіресе, шетелден келген қонақтар қазақтың ұлттық тағамдарымен танысып, олардың дәмін татып көре алар еді. Менің ойымша, мұндай шағын өзгеріс қонақүйге ұлттық ерекшелік беріп, қонақтардың есінде жақсы әсер қалдырады. Қазақ халқының қонақжайлығын ұлттық тағамдар арқылы таныстыру да өте жақсы идея деп санаймын.Жалпы, демалысыма көңілім толды. Қонақүй қызметкерлеріне еңбектері үшін рақмет! Алдағы уақытта осы ұсыныс ескеріліп, ұлттық тағамдарымызға көбірек көңіл бөлінеді деп үміттенемін. Rixos Water World Aktau ұжымына жұмыстарына сәттілік тілеймін! Болашақта тағы да келіп, демалуға қуаныштымын.